Marami ang namangha nang ipinakita ni Jinkee Pacquiao ang loob ng kanilang napakalaki at napakagandang private beach resort sa Sarangani City

Muling pinahanga ni Jinkee Pacquiao ang netizen dahil sa kanilang luxurious private beach resort na matatagpuan sa Barangay Taluyan, Glan sa Sarangani City.

Ang naturang beach resort ay ipinatayo nila pitong taon na ang nakakaraan at ito rin ang kauna-unahang private beach resort ng pamilyang Pacquiao.

Ibinahagi ni Jinkee kung gaano kaganda ang kanilang private resort sa pamamagitan ng pag-upload ng video nito sa kanyang YouTube channel.

Sa unang bahagi ng video ay nilinaw agad ni Jinkee na fineature niya ang kanilang private resort hindi para magyabang kundi para tuparin ang matagal nang nire-request ng kanyang mga subscriber at follower.

Ang kanilang beach resort ay nahahati sa dalawang villa na inilaan nila para sa Pacquiao at Jamora family na ayon kay Jinkee ay ginawa nila ito upang maglaan ng lugar sa bawat pamilya kung sakali man na ito ay magbabakasyon.

Unang ipinasilip ni Jinkee ang kanilang master’s bedroom kung saan makikita ang pagiging simple at elegante ng kwarto sa disenyo ng mga kagamitan at kurtina na binagayan ng asul at puti na si Jinkee daw mismo ang pumili.

Sa paglabas naman ng kanilang kwarto ay matatanaw ang napakagandang view ng karagatan na ayon kay Jinkee ay isa sa mga gusto niyang spot sa tuwing siya ay magigising sa umaga at habang nagbabasa ng Bibliya.

Ipinakita rin nya ang kanilang walk-in closet at bathroom.

Mapapansin naman ang pagkahilig ni Jinkee sa mga halaman na makikita sa kanilang garden.

Mula sa kanilang Villa 1 ay matatagpuan ang 2-storey na bahay kung saan itinayo ang bawat kwarto na tinutuluyan ng pamilya ni Jinkee.

Sa kanyang pagpunta kay Sen. Manny ay ipinakita naman niya ang kanilang maliit na bulwagan kung saan nila kadalasan ginaganap ang Bible study ng pamilya.