Habang nag-mumukbang challenge ay ikwinento ni Enchong Dee at Pooh ang dahilan ng unang di pagkakaunawaan nilang magkaibigan
Isa sa mga nauusong challenge ngayon sa social media ay ang mukbang at ASMR challenge na ginagawa hindi lang ng mga sikat na celebrities at YouTubers kundi pati na rin sa mga mahilig sa pagkain.
Ito nga ay “challenge accepted” para sa aktor na si Enchong Dee at komedyanteng si Pooh nang bisitahin ni Enchong si Pooh sa kanyang bahay at gumawa ng isang seafood mukbang-ASMR.
Kitang-kita kaagad ang closeness ng dalawa na nagkasama na sa ilang mga proyekto at mga show.
Kakaiba ang Mukbang challenge na ginawa ng dalawa dahil nilagyan nila ito ng twist sa pamamagitan ng pagblindfold sa isa’t isa at huhulaan nila kung ano ang isusubong pagkain sa kanila.
Napasabak si Pooh sa challenge dahil ayon sa kanya ay mga pinoy food lang ang kadalasan niyang kinakain.
Naging nakakatawa ang challenge ng dalawa lalo na noong si Enchong na ang papakainin ni Pooh dahil kung ano-ano na ang hinalo ni Pooh sa pagkain ni Enchong para hindi agad mahulaan ni Enchong ang pagkain.
Habang kumakain ang dalawa ay nagkaroon sila ng nakakatuwang kwentuhan tungkol sa kanilang mga nakakatawang experience sa ibang bansa.
Ibinida din ni Enchong ang galing ni Pooh sa paggaya sa mga sikat na celebrity kaya naman tinanong niya si Pooh kung kaya niya siya gayahin. Ang nakakatawang sagot ni Pooh ay, “Hindi. Inoobserbahan nga kita sabi ko ‘ano kayang pwede kong magaya dito?’
Dinagdag ni Pooh at nagbiro na kaya lang niyang gayahin si Enchong kapag hindi siya gagastos. Ang tinutukoy dito ni Pooh ay ang pagiging kuripot ni Enchong.
“Kaya kitang gayahin. Hindi lang ako gagastos. Kaya kitang gayahin.”
Napagkwentuhan din ng dalawa ang tungkol sa kanilang naging tampuhan nang bumisita sila sa Norway. Sinabi ni Pooh na napakahilig mang-asar ni Enchong.
“Mahilig kasi siya mang-bully. Bully kasi talaga si Enchong. Promise!”
Ikwinento ng dalawa na nagkaroon sila ng day tour sa Norway at humingi ng pabor si Enchong kay Pooh para kuhanan siya ng letrato. Nang makita daw ni Enchong ang letrato ay sinabi nito na “Ano ba yan?! Ang panget naman neto!”
Dahil daw sa pagod ay hindi na maganda ang mood noon ni Pooh kaya naman nagtampo siya sa ginawa ni Enchong.
“Eh parang pagod na pagod na ako kasi whole day na kaming nandudun… Pangalawa, hindi na nga ako sinali, ginawa mo pa akong cameraman, tapos ipinanget mo pa, nakakahurt!”
Pagkatapos daw ng nangyari ay nakatanggap ng message si Enchong galing kay Pooh at sinabi nito sa mensahe na “di ko gusto yung ginawa mo kanina ah.” Pagkatapos daw noon ay humingi ng tawad si Enchong kay Pooh.
Panoorin ang buong mukbang challenge nila Enchong at Pooh dito.
The post Habang nag-mumukbang challenge ay ikwinento ni Enchong Dee at Pooh ang dahilan ng unang di pagkakaunawaan nilang magkaibigan appeared first on Trend Star.
Source: Trend Star
healthychoiceph
Omtemplates is a blogger resources site is a provider of high quality blogger template with premium looking layout and robust design
ABOUT ME
