Masayang ibinalita ng mag-asawang Iya Villania at Drew Arellano ang pagsilang ng kanilang unang baby girl

Isang magandang balita ang bumungad ngayong araw sa mag-asawang Drew Arellano at Iya Villania-Arellano dahil maayos na ipinanganak ni Iya ang kanilang ikatlong anak at sa wakas ay nalaman na nila ang gender nito.

Kaiba sa naunang dalawang pagbubuntis ni Iya ay hindi nagpa-gender reveal ang mag-asawa para sa kanilang ikatlong anak. Napagdesisyunan nila na antayin na lamang ang araw ng pagsilang ng kanilang baby #3 para ipaalam ang kasarian nito.

Sa wakas, ngayong July 18 ay nalaman na isang baby girl ang ipinanganak na sanggol ni Iya. Ang unang baby girl nila Iya at Drew ay pinangalanan nilang Alana Lauren V. Arellano.

Nagpost si Iya ng mga video sa kanyang Instagram stories kung saan ipinakita niya ang naging journey niya sa panganganak sa ikatlo nilang baby.

Nagpost muna si Iya ng letrato niya na nakasuot ng face mask at face shield habang nakahiga sa hospital bed. Nakalagay sa letrato na 4:37 ng madaling araw noon.

Sinundan naman noong 7:14 ng umaga ng isang video kung saan maririnig si Iya na sumisigaw na, “I’m done! Wooohooo! Finished. I’m just waiting for my placenta to come out.” Sa background ay maririnig din ang pagiyak ng kanyang bagong silang na sanggol.